Менаџерот на Манчестер сити, Пеп Гвардиола се извини на Ливерпул за навредливите песни од навивачите на Сити, но инсистира дека односите меѓу двата најдобри англиски клуба последните неколку години не се токсични
Ливерпул веднаш по 1:0 победата над Сити преку соопштение ги осуди „грдите песни“ и графитите кои ги направија навивачите на Сити, со посочување кон трагедијата од Хилсборо, а во текот на мечот Гвардиола беше гаѓан со парички, а кон автобусот на Сити беа фрлани камења. Покрај тоа, Јирген Клоп доби црвен картон.
„Не ги слушнав песните, но ако се случиле тогаш се извинувам бидејќи тоа не го претставува нашиот клуб. Не се грижете, можеме да се однесуваме совршено и да научиме од нашите грешки. Дали односите меѓу Ливерпул и Сити се токсични? Не верувам во такво нешто. Од наша страна тоа дефинитивно не е точно“, вели Гвардиола.