Бетис и Севилја го играат градското дерби во осмина-финалето, во Купот на Шпанија. Натпреварот е прекинат во 39 минута, кога Набил Фекир постигна спектакуларен гол.
Дерби Севиљано е е повеќе од фудбал, со оглед колкава нетрпеливост владее помеѓу навивачите на двата клуба.
50.000 луѓе на „Бенито Виљамарин“ ги замолкна Папу Гомес во 35.минута. Аргентинецот од 18 метри ја погоди „малата мрежа“ на голот кој го брани Руи Силва.
Само пет минути подоцна, Фекир, во екстаза ги фрли присутните на стадионот. Францускиот репрезентативец погоди директно од корнер. Во моментот кога сите го славеа голот, еден предмет полета од трибините и заврши во главата на Жоан Жордан.
Betis vs Sevilla teams hauled off. Sevilla player nailed with a bit of metal or plastic like a spear. pic.twitter.com/b0KfJS9VDr
— Andy (@Hayburn) January 15, 2022
Судијата Беонгечеа веднаш го прекина натпреварот и ги испрати играчите во соблекувалните. Нема информации дали натпреварот ќе биде одигран утре или Севилја ќе слави победа со службен резултат.