По последните мечеви во европските квалификации за Светското првенство во Катар 2022 познати се десетте репрезентации кои директно обезбедија билет за Мундијалот, откако Холандија им се приклучи на Србија, Швајцарија, Шпанија, Англија, Франција, Белгија, Данска, Хрватска и Германија, додека Турција и Украина го обезбедија местото во баражот заедно со Македонија и уште девет репрезентации (Португалија, Шкотска, Италија, Русија, Полска, Шведска, Велс, Чешка и Австрија).
Холанѓаните не воодушевија на „Де Кујп“ во Ротердам, но стигнаа до 2:0 победа над Норвешка благодарение на головите на Стивен Бергвајн во 84. минута и на Мемфис Депај во 91. минута, резултат кој ги носи на СП, и во исто време ги исфрла Норвежаните од игра, бидејќи Турција стигна до камбек 2:1 победа кај Црна Гора за второ место во групата Г.
Франција пак со 2:0 ја победи Финска на гости, за да осигура Украина да биде последниот патник во баражот по нивната 2:0 победа на гости кај Босна и Херцеговина.
КВАЛИФИКАЦИИ ЗА СП
ГРУПА Д
Босна и Херцеговина – Украина 0:2
Финска – Франција 0:2
ГРУПА Е
Чешка – Естонија 1:0
Велс – Белгија 1:1
ГРУПА Г
Црна Гора – Турција 1:2
Гибралтар – Летонија 1:3
Холандија – Норвешка 2:0