Додека трае Светското првенство во Катар, првите луѓе на Манчестер јунајтед работат на јануарскиот преоден рок во кој треба да најдат замена за Кристијано Роналдо, и Ерик Тен Хаг ќе биде задоволен што во тимот најверојатно ќе пристигнат уште двајца Холанѓани.
Според „Фудбал инсајдер“, „ѓаволите“ веќе имаат пред-договор со напаѓачот на ПСВ Ајндховен, Коди Гакпо, кој блеска за Холандија на Мундијалот со два гола во два меча. Личните услови на договорот веќе биле усогласени во текот на летото со агентите на 23-годишниот Гакпо, така што сега „ѓаволите“ ќе треба само да се договорат со холандскиот тим, кој бара 60 милиони евра за неговиот потпис.
„Скај спортс“ пак, преку својот новинар Флоријан Платенберг, тврди дека уште еден холандски репрезентативец ќе најде дом на „Олд Трафорд“, бидејќи се блиску до договор за враќање на Мемфис Депај од Барселона. Депај помина една потпросечна сезона на „Олд Трафорд“, а во моментов е играч на Барселона, каде што оваа сезона нема голема минутажа во тимот на Чави Ернандез.
🚨 EXCLUSIVE! 🚨
– Man United are closing in on Gakpo deal after Ten Hag talks. ☎️
– "Agreement in principle" with the player, who is keen to join a PL giant. ✅
– PSV don't want to sell in Jan & price tag set to increase after his dazzling star to World Cup. 💸
— Football Insider (@footyinsider247) November 26, 2022
News #Depay: He is also on the list of #MUFC. We‘ve been told that Ten Hag can really imagine bringing him back. There is contact between all parties. Barca would even terminate the contract, desperately wants to save the salary. @Sky_Marc @SkySportDE 🇳🇱 pic.twitter.com/PSrkcNiVnx
— Florian Plettenberg (@Plettigoal) November 25, 2022