Шведскиот напаѓач Златан Ибрахимовиќ проговори за квалитети за младиот српски голгетер – Душан Влаховиќ. Нареднава сабота во италијанската Серија А копјата ќе ги вкрстат Ибрахимовиќ и Влаховиќ, односно Милан и Фиорентина.
Еден од италијанските весници „La Nazione” ги имаше на насловна страница Ибра и Влаховиќ. Според нивните сознанија, Ибра им ставил до знаење на челниците на Милан дека треба да го ангажираат напаѓачот на „виолетовите“.
Шведскиот ас е воодушевен од квалитетот на младиот колега кој игра одлично минатата и оваа сезона. Ибрахимовиќ смета дека Влаховиќ треба да е негов долгогодишен наследник на „Сан Сиро“. Тој смета дека „Росонерите“ мораат да ја искористат ситуацијата со неговиот договор и да го купат што побрзо.
Не е тајна дека Влаховиќ на Управата на клубот од Фиренца им кажал дека нема намера да го продолжи договорот кој му истекува во 2023 година.
Европските гиганти стојат во ред за услугите на Србинот, тука се Атлетико Мадрид, Јувентус, но и неколку премиерлигаши.