Златан Ибрахимовиќ (40) години ќе потпише нов договор со Милан, објавија трансфер инсајдерите Џанлука ди Марцио и Фабрицио Романо.За потсетување, по сезоната во која миланскиот клуб ја освои шампионската титула во Италија, шведскиот напаѓач беше подложен на тешка операција на коленото, што ќе го оддалечи од терените практично до крајот на годината и со тоа ќе го пропушти почетокот на сезона.
Поради проблемите со повредите, минатата сезона, Ибрахимовиќ одигра само 27 натпревари и постигна осум и забележа три асистенции. Сепак, Милан ќе го продолжи неговиот договор.
Ди Марцио тврди дека се работи за едногодишен договор со плата меѓу 1 и 1,5 милиони евра, која може да се зголеми во зависност од бројот на голови и асистенции.
Ветеранот прифатил значително намалување на платата, која досега изнесуваше околу седум милиони евра по сезона. Потпишувањето на договорот се очекува во следните неколку дена.