Викендов во Серија А ќе се одигра дербито помеѓу Рома и Јувентус. Рома против актуелниот шампион ќе се „вади“ за шокатниот пораз од Торино минатата недела. За Јувентус пак победата е императив бидејќи водат жестока борба со Интер за лидерското место.
Лоша вест за Јувентус во пресрет на дербито е повредата на Гонзало Игуаин. Италијанските медиуми тврдат дека Аргентинецот сигурно нема да биде во составот на тимот.
Игуаин под водство на Маурицио Сари полека се враќа во форма, сезонава има учинок од шест гола и седум асистенции на 23 натпревари што ги одиграл.
Дербито на „Олимпико“ в недела ќе започне в 20.45 часот.