Илкај Гундоган е нов фудбалер на Барселона. Германскиот играч за врска пристигнува како слободен играч од Манчестер Сити, каде договорот му истекува на крајот на месецот.
Гундоган (32) е под договор за две сезони, со опција за дополнителни 12 месеци под услов да одигра повеќе од половина од натпреварите во втората сезона.
💙❤ ¡@ilkayguendogan es CULER! pic.twitter.com/kwWZt82yxc
— FC Barcelona (@FCBarcelona_es) June 26, 2023
Играчот од средниот ред имаше понуда од Манчестер Сити да остане во клубот, но понудата беше само за една сезона, плус опција за уште една.
Во Барселона ќе заработува 9 милиони евра годишно, а отштетната клаузула ќе изнесува 400 милиони евра.
Искусниот фудбалер на „Спотифај Камп Ноу“ пристигнува со статус на европски шампион откако Манчестер Сити триумфираше во Лигата на шампионите. Тој одигра 304 натпревари за тимот во текот на седум сезони.
