Македонскиот претставник Академија Пандев посакува да направи сензација на денешниот реванш натпревар против Лехија Гдањск во Скопје. По првиот дуел, „пандевци“ имаат негатива од три гола (1:4) и ќе имаат многу тешка задача. Ако се знае дека дополнителен проблем ќе биде и неиграњето на тројцата фудбалери, Марко Ѓорѓиевски, Бојан Димоски и Коста Манев, тогаш Академија Пандев е пред речиси невозможна мисија.
„Резултатот од првиот натпревар мислам дека е нереален според играта што ја прикажавме. Ако сакаме да се надеваме на чудо, треба да не примиме гол и да постигнеме барем еден во првите дваесетина минути. Сепак, мораме да бидеме и внимателни зошто увидовме дека противникот знае да ја казни секоја грешка“, изјави капитенот на Академија Пандев, Диме Димов.
Реваншот меѓу Академија Пандев и Лехија Гдањск ќе се одигра на комплексот „Петар Милошевски“ при ФФМ, со почеток од 17 часот.