Претседателот на Светската фудбалска федерација (ФИФА), Џани Инфантино вели дека неговата организација останува на планот за Светско клупско првенство со 24 клуба во 2021 година, и покрај тоа што големите клубови се против оваа идеја.
Според Инфантино, ФИФА ја направило оваа одлука на состаноко на Советот на ФИФА во петокот, откако Европската асоцијација на клубови (ЕЦА) во писмо побара да не се носи одлука сега и дека големите европски клубови нема да учествуваат на турнирот во 2021 година.
Во писмото објавено во германскиот весник „Зидојче цајтунг“ и потпишано од 15 членови на бордот на ЕЦА, вклучувајќи клубови како Барселона, Манчестер јунајтед и Ајакс, претседателот на ЕЦА и на Јувентус, Андреа Ањели се објаснува дека во моментов такво натпреварување е неприфатливо.
Инаку, Инфантино се повлече од идејата за Лига на нации како „копија“ на натпреварувањето на УЕФА, бидејќи едноставно нема место во фудбалскиот календар за такво натпреварување. Конечната одлука ќе ја донесе Конгресот на ФИФА во јуни.
Исто така, Инфантино останува на планот да се преговара со организаторите на Светското првенство во 2022 година во Катар турнирот да се прошири на дури 48 репрезентации, од оригиналните 32.
President Infantino: “it is feasible” to increase the teams of 2022 World Cup from 32 teams to 48 team.
“If we want to increase to 48 teams, then some games will have to be hosted by neighboring counties.”
Says Qataris have responded well to the prospect. Decision in June.
— Danny Rivero (@TooMuchMe) March 15, 2019