Големиот Андрес Иниеста, синоќа, го одигра последниот, 647.натпревар во дресот на Барселона. Барселона, во последното коло, со спектакуларниот гол на Кутињо, го победи Реал Сосиедад (1-0), но 90.000 навивачи дојдоа да се збогуваат со легендата Иниеста, кој по 22 години го напушта клубот.
Откако, по завршувањето на мечот, на фудбалерите им беше врачен шампионскиот пехар, а потоа тие се простија од Иниеста, на стадионот беа изгаснати светлата, а над небото на Барселона имаше огномет, Иниеста им се обрати на навивачите.
Andres Iniesta takes in one last moment alone on the Camp Nou pitch
?? #inifinit8iniesta pic.twitter.com/1TKiSEnlZd— Goal (@goal) May 21, 2018
„Ова беа прекрасни 22 години. Ми беше чест да ги бранам боите на овој клуб, кој за мене е најголем во светот. Сакам да им се заблагодарам на моите соиграчи и на сите на стадионот.Само сакам да кажам дека моето срце засекогаш ќе биде овде“, рекол Иниеста освојувач на 31 трофеј со Барселона.
Откако гледачите го напуштија „Ноу Камп“, Иниеста на свој начин се прости од стадионот. Час и половина по полноќ, сам, бос тој излегол на тревникот, седнал на центарот, гледал во трибините, а птооа нешто снимал со својот мобилен телефон.
01:30 AM in Barcelona – Andres Iniesta is still on the pitch by himself, for the seek of all his memories.. Tears. pic.twitter.com/w7CVODhztz
— Barca Universal (@BarcaUniversal) May 20, 2018