Поранешниот шампион во тешка категорија, Британецот Тајсон Фјури, по пауза од две и пол години, во рингот ќе се врати на 9.јуни во Манчестер, а противник ќе му биде гостиварецот Сефер Сефери.
29-годишниот Фјури, последната борба ја имал на 28.ноември 2015 година, кога го победи легендарниот Владимир Кличко и го освои шампионските пехари во ВБА, ИБФ, ИБО и ВБО федерациите.
Потоа поради, тој падна на допинг тестот имаше и некакви приватни проблеми, поради што се откажа од титулите. Поради кршењето на анти-допинг правилата му беше одземена и лиценцата која му е вратена оваа година.
Дека Фјури ќе се врати во рингот на 9.јуни беше познато од претходно, а сега е објавено и името на неговиот противник.
Сефер Сефери е роден во Гостивар, има 39 години, а настапува под знамето на Албанија. Сефери досега се борел во крузер категоријата, а сега ќе влезе во рингот против тешкашот Фјури, кој допрва треба да покаже дали се враќа во шампионската форма.
Сефери во кариерата има 24 победи и само еден пораз, додека Фјури нема пораз во 25.борби, а 18 победи забележал со нокаут.
CONFIRMED: Tyson Fury will fight Sefer Seferi on his comeback to the ring.
The Mack is back. pic.twitter.com/AKSgUvDlp6
— bet365 (@bet365) May 20, 2018