Директорот на Интер, Бепе Марота, истакнал дека клубот нема намера да го продаде Ромелу Лукаку. Изминатите неколку дена, медиумите, особено оние од Англија, пишуваа дека за Лукаку се заинтересирани Манчестер сити и Челси.
„Лукаку не е на продажба. Тој е важен дел од сложувалката која ја состави Симоне Инзаги“, рекол Марота.
Минатата сезона, во која Интер ја освои титулата во Серија, Лукаку блескаше со 24 голови.
Белгиецот има договор со Интер до јуни 2024 година.