Интер уште не дале понуда за Пауло Дибала, кој е слободен играч, бидејќи имаат надеж дека ќе го добијат Ромелу Лукаку на позајмица од Челси, тврди „Кориере дело спорт“.
Дибала ќе биде слободен агент кога ќе истече неговиот договор со Јувентус на 30 јуни, откако „бјанконерите“ решија да не му понудат нов договор, и се верува дека Интер и Рома се најзагреани за Аргентинецот.
Сепак, Интер ќе почекаат со официјална понуда за Дибала бидејќи повеќе би сакале да го вратат Лукаку на „Сан Сиро“, пожелно на позајмица од Челси. Белгиецот беше најдобар фудбалер во Серија А во 2020/21 кога Интер ја освои титулата, но потоа направи скап трансфер во својот поранешен клуб, одбележан со конфликти, слаба игра и незадоволство. Според „Кориере дело спорт“, тој бил подготвен дури и да зема двојно помала плата за да се врати во Италија.