Фудбалерите на Интер не му дозволуваат на италијанскиот шампион Јувентус да се одлепи на врвот на табелата во Серија А. „Нероазурите“ вечерва со 3-0 славеа во градот на Јувентус, против градскиот ривал Торино.
На калливиот терен, по врнешливо време, екипата од Милано беше доминантна само кога станува збор за головите, инаку доминацијата на теренот ја имаа домашните фудбалери.
Аргентинскиот ас Лаутаро Мартинез уште во 12. Минута погоди за 0-1, а до крајот на полувремето Де Вриј го дуплираше водството за Интер.
Белгиецот Ромелу Лукаку продолжува со одличните партии во „цино-црниот“ дрес. Тој го постигна третиот гол за Интер против Торино во 55 минута.
На висина на задачата вечерва беше и голманот Самир Хандановиќ кој неколкупати одлично реагираше за да спречи неизвесност на мечот.
Со новите три бода, Интер и понатаму е втор, со само бод помалку од лидерот Јувентус.