Бундеслигашот Унион Берлин потврди дека се случил колапс во обидот да се донесе играчот од средниот ред на Севлја, Иско, и покрај тоа што Шпанецот ги поминал медицинските тестови со клубот поради „дополнителните“ барања на фудбалерот.
30-годишниот ексфудбалер на Реал Мадрид според клубот барал поинакви услови од првичното договорени, по што Германците едноставно кренале раце.
„Навистина сакавме да го видиме Иско во нашиот клуб, но имаме наши граници. Тие беа преминати денеска во спротивност со претходно договореното и затоа трансферот нема да се случи“, вели тренерот на Унион, Оливер Рунерт.
„Колапсот“ значи дека Иско ќе остане без клуб откако го раскина договорот со Севилја по конфликтот со Мончи, само четири месеци откако пристигна од Реал Мадрид. Како слободен агент тој може да продолжи да преговара и по крајот на преодниот рок.