Фудбалерот на Реал Мадрид, Иско, бил успешно опериран по воспалението на слепото црево, соопштил клубот. Операцијата бил извршена во болницата во Мадрид, под надзор на медицинскиот тим на Реал.
Еден од најдобрите играчи на Реал, според прогнозите ќе отсуствува од фудбалските терени 30 дена. Тој ќе го пропушти вечерашното гостување на реал кај Севилја, како и градското дерби со Атлеитко в сабота, но и гостувањето во Лигата на шампионите во Москва, против ЦСКА.
Исто така Иско нема да биде ниту во комбинација за натпреварите што Шпанија, во октомври, ќе ги одигра во Лигата на нации.