Репрезентациите на Италија и Белгија се приклучија на Шпанија и Франција како учесници на финалниот турнир на Лигата на нации, откако ги освоија првите места во своите групи со победи во последното коло. Во Б-лигата додека Србија со 5:0 ја „наполни“ Русија за да овозможи Унгарија да влезе во Лига А.
На „Грбавица“ во Сараево, Италијанците стигнаа до 2:0 победа над Босна и Херцеговина со головите на Белоти и Берарди за да го осигураат првото место во групата 1 пред Холандија, која направи пресврт и со 2:1 славеше на гости кај Полска.
Во групата 2, во директен дуел, Белгијците предводени од двата гола на Ромелу Лукаку со 4:2 ја победија Данска, за да го осигураат првото место во групата. На Данците им требаше победа за ги поминат „ѓаволите“.
Во понизок ранг од овие групи се селат БиХ и Исланд, додека нови членови на елитната група ќе бидат Австрија, Чешка, Велс и Русија.
Србија обезбеди опстанок во Лига Б со неверојатната 5:0 победа над Русија, што во исто време овозможи Унгарците со 1:0 победата над Турција да влезат во Лига А. Австријците одиграа 1:1 дома со Норвешка, Чесите со 2:0 го совладаа соседот Словачка за да го искористат киксот на Шкотска на гости кај Израел, додека Велс во директна пресметка со 3:1 ги победи Финците. Словенците, пак, успеаја да изддржат 0:0 на гостувањето кај Грците и да влезат во Лига Б.
УЕФА ЛИГА НА НАЦИИ
ЛИГА А, ГРУПА 1
Босна и Херцеговина – Италија 0:2
Полска – Холандија 1:2
Табела: 1.Италија 12, 2.Холандија 11, 3.Полска 7, 4.БиХ 2
ЛИГА А, ГРУПА 2
Белгија – Данска 4:2
Англија – Исланд 4:0
Табела: 1.Белгија 15, 2.Данска 10, 3.Англија 10, 4.Исланд 0
ЛИГА Б, ГРУПА 1
Австрија – Норвешка 1:1
Северна Ирска – Романија 1:0
Табела: 1.Австрија 13, 2.Норвешка 11, 3.Романија 4, 4.С.Ирска 4
ЛИГА Б, ГРУПА 2
Чешка – Словачка 2:0
Израел – Шкотска 1:0
Табела: 1.Чешка 12, 2.Шкотска 10, 3.Израел 8, 4.Словачка 4
ЛИГА Б, ГРУПА 3
Унгарија – Турција 2:0
Србија – Русија 5:0
Табела: 1.Унгарија 11, 2.Русија 8, 3.Србија 6, 4.Турција 6
ЛИГА Б, ГРУПА 4
Ирска – Бугарија 0:0
Велс – Финска 3:1
Табела: 1.Велс 16, 2.Финска 12, 3.Ирска 3, 4.Бугарија 2
ЛИГА Ц, ГРУПА 3
Грција – Словенија 0:0
Косово – Молдавија 1:0
Табела: 1.Словенија 14, 2.Грција 12, 3.Косово 5, 4.Молдавија 1
БиХ – ИТАЛИЈА
БЕЛГИЈА – ДАНСКА
ПОЛСКА – ХОЛАНДИЈА
АНГЛИЈА – ИСЛАНД
СРБИЈА – РУСИЈА
АВСТРИЈА – НОРВЕШКА
УНГАРИЈА – ТУРЦИЈА
ВЕЛС – ФИНСКА
ЧЕШКА – СЛОВАЧКА
ИРСКА – БУГАРИЈА
ИЗРАЕЛ – ШКОТСКА