Јапонија забележа значајна победа над Саудиска Арабија, во квалификациите за пласман на Светското првенство во Катар. Саудиска Арабија, во Саитама, го доживеа првиот пораз во квалификациите.
„Самураите“, доминираа во текот на целиот натпревар против лидерот во Б-групата. Блескаше играчот на Генк, Ито, со гол и асистенција.
Ито во 32.минута му асистираше на Минамино за водечкиот гол. Конечниот резултат, Ито го постави во 50.минута. Асистент беше ветеранот Нагатомо.
До крајот на квалификациите двата тима ќе играат против Австралија, која од 17 часот гостува во Оман.
Табела, Б-група:
1. Саудиска Арабија 19 (8), 2. Јапонија 18 (8), 3. Австралија 14 (7), 4. Оман 7 (7), 5. Кина 5 (7), 6. Вијетнам 0 (7).