Фудбалскиот клуб Хајдук го реализира еден од најголемите трансфери во поновата историја на клубот. Трансфер инсајдерот, новинарот Фабрицио Романо, обкави дека Иван Ракитиќ наредните две сезони ќе го носи дресот на Хајдук.
Хајдук долго време преговараше со Ракитиќ, фудбалерот изрази желба да се пресели во Сплит, а трансферот дојде во фаза на реализација кога Ракитиќ успеа да го раскине договорот со Ал шабаба.
На почетокот на годината Ракитиќ се пресели во Саудиска Арабија, откако замина од Севилја.
Ракитиќ со Ал Шабаба потпиша до крајот на јуни 2025 година, а му беа гарантирани 15 милиони евра по сезона. Сепак по шест месеци реши да стави крај на саудиската авантура. За Ал Шабаб на осум натпревари постигна еден гол и забележа една асистенција.
Најголемо влијание за доаѓањето на Ракитиќ во Сплит имаа новиот тренер Џенаро Гатузо, спортскиот директор Никола Калиниќ и Иван Перишиќ, долгогодишниот соиграч на Ракитиќ во хрватската репрезентација.
Ракитиќ во својата богата кариера го носеше дресот на Базел, Шалке, Севилја, Барселона и Ал Шабаб. Тој беше вицешампион на светот во 2018 година со репрезентацијата на Хрватска.
🚨🇭🇷 Ivan Rakitić to Hajduk Split, here we go! Deal done on two year contract valid until June 2026.
Rakitić leaves Al Shabab despite good time in Saudi as wanted to take chance to play in Croatia.
Kalinic as director, Perisić as teammate, Gattuso as coach made difference. pic.twitter.com/6hbeh14ZNP
— Fabrizio Romano (@FabrizioRomano) July 18, 2024