Во просториите на Фудбалската федерација на Македонија, со ждрепка беа одредени полуфиналните двојки во Купот на Македонија.
Најтрофејниот клуб Вардар оваа сезона има големи амбиции во Купот, сака да ја освои првата титула по 2007 година. На патот кон финалето му стои АП Брера од Струмица.
Втората полуфинална двојка ја формираа Шкендија и Струга ТЛ.
Првите полуфинални средби се закажани за 9 април.