Јапонија забележа голема победа во Австралија (2:0) и обезбеди пласман на Светското првенство во Катар. Од Б-групата, покрај Јапонија, на СП ќе игра и Саудиска Арабија.
Јапонците доминираа против Австралија, откако не искористија три големи шанси и два пати ја погодија гредата, противникот го скршија во завршницата.
Напаѓачот на водечкиот тим во Белгија, Ројал Унион, Каоуру Митоми е херојот на нацијата. Митоми влезе во игра во 84.минута, а пет минути подоцна прецизно ја заврши одличната тимска акција на Јапонците. Во 93.минута Митоми со својот втор гол стави точка на натпреварот.