Никола Јокиќ и Џејсон Тејтум држеа час по кошарка во Феникс односно Њујорк, а Џими Батлер дебитираше во дресот на Голден стејт Вориорс изминатата ноќ во НБА лигата.
Денвер славеа во Феникс со 122.105. Актуелниот МВП, Јокиќ одигра само 28 минути, му недостигаше асистенција за нов трипл-дабл (26 поени, 11 скокови). Нагетс со 30 поени ги предводеше Џамал Мареј. Кристијан Браун и Џулијан Стротер постигнаа по 18 поени.
Во отсуство на Кевон Дурент, Феникс го предводеше Девин Букер со 24 поени.
Бостон Селтикс петтата победа во низа ја забележаа во „Медисон Сквер Гарден“. Селтикс го декласираа Њујорк со 131:104. Блескаше Џејсон Тејтум со 40 поени за помалку од 37 минути на теренот.
Нестварен натпревар и серија на Голден стејт за триумф во Чикаго. Вориорс славеа со 132:111. Во еден момемт во третата четвртина Чикаго водеа со 83:59, а потоа во 16 минути Вориорс направија серија од 67:18!.
Стеф Кари постигна 34 поени, а Џими Батлер за Вориорс дебитираше со 25 поени.
Резултати:
Орландо Меџик – Сан Антонио Спарс 112:111
Вашингтон Визардс – Атланта Хокс 111:125
Чикаго Булс – Голден Стејт Вориорс 111:132
Мемфис Гризлис – Оклахома Сити Тандер 112:125
Минесота Тимбервулвс – Портланд Трејл Блејзерс 114:98
Њујорк Никс – Бостон Селтикс 104:131
Феникс Санс – Денвер Нагетс 105:122
Сакраменто Кингс – Њу Орлеанс Пеликанс 123:118
Лос Анџелес Клиперс – Јута Џез 130:110