Македонската фудбалска репрезентација го доби европскиот шампион Италија во полуфиналето од баражот за пласман на Светското првенство, а ако успееме да направиме сензација и да ги совладаме „аѕурите“ на гости, тогаш за нас следува уште еден тест – меч за пласман на Мундијалот против подобриот од Португалија и Турција, и тоа повторно на гости.
Ждрепката исто така значи дека една од фаворизираните репрезентации на Португалија и Италија нема да биде на Мундијалот во 2022 – односно или Кристијано Роналдо нема да може да игра на своето последно првенство, или Италија второ првенство во низа нема да биде меѓу елитата.
Додека во првата „патека“ А се собраа Шкотска, Украина, Велс и Австрија, репрезентации кои се силни, но не се првокласни, а во втората „патека“ се Русија, Полска, Шведска и Чешка, најсилната конкуренција остана за нас и за Турција.
БАРАЖ ЗА СП 2022
ПАТЕКА А
Шкотска – Украина
Велс – Австрија (*)
ПАТЕКА Б
Русија – Полска (*)
Шведска – Чешка
ПАТЕКА Ц
Италија – Македонија
Португалија – Турција (*)
(*) победниците ќе бидат домаќини во финалето
Графика: Sofascore за Топспорт.мк