Фудбалерите на Манестер Јунајтед изборија пласман во четвртот коло, во ФА купот. „Црвените ѓаволи“ славеа победа 2:0 против Ридинг. Покрај Јунајтед третото коло, во саботата, го минаа Барнли, Брајтон, Вест Хем и ВБА.
Новиот менаџер на Манчестер Јунајтед, Оле Гунар Солскјер, се запиша во клупската историја. Тој е единствениот кој победил на првите пет натпревари.
Стрелци за Јунајтед на овој меч беа Хуан Мата од пенал во 22. и Ромелу Лукаку во четвртата минута од судиското надополнување на времето во првото полувреме.
Инаку, пеналот за Јунајтед беше досуден откако судијата го консултираше ВАР-системот. Видео технологијата Англичаните ја тестираат во ФА купот.
Резултати:
Брнмут-Брајтон 1:3
Барнли-Барнсли 1:0
ВБА-Виган 1:0
Вест Хем-Бирмингем 2:0
Шефилд Венздеј-Лутон 0:0
Шрузбери-Стоук 1:1