Манчестер јунајтед, конечно, го потврдија трансферот на Фред од тимот на Шахтјор Доњецк, како прво засилување во летниот преоден рок.
„Манчестер јунајтед објавува дека се согласи со Шахтјор за трансферот на Фредерико Родригеш де Паула Сантос (Фред). Дополнително соопштение ќе биде достапно“, се вели на веб-сајтот на англискиот гигант.
#MUFC is delighted to announce it has reached an agreement with Shakhtar Donetsk for the transfer of Fred.
More details: https://t.co/uQM1R6bmgH pic.twitter.com/52Kg4k2jT8
— Manchester United (@ManUtd) June 5, 2018
Се верува дека договорот е вреден 52 милиони фунти со што Фред ќе биде петтото најскапо засилување за Манчестер јунајтед. Само Пол Погба, Ромелу Лукаку, Анхел ди Марија и Антони Марсијал ги чинеле повеќе „ѓаволите“ во нивната историја.
Жозе Мурињо сакаше да го засили средниот ред на неговиот клуб по неизвесната иднина на Маруан Фелаини и повлекувањето на Мајкл Керик. 25-годишниот Фред е дел од бразилската репрезентација на Светското првенство во Русија и додека тој беше на подготовки, неговиот агент, поранешниот фудбалер на Арсенал, Жилберто ги водеше преговорите со Јунајтед.
Introducing… Fred Rodrigues. pic.twitter.com/CVijnKexyX
— The Man Utd Way (@TheManUtdWay) June 5, 2018