Манчестер јунајтед ќе ги активира клаузулите во договорите на петмина фудбалери и ќе ги продолжи нивните договори. Договорите на Давид де Хеа, Маркус Рашфорд, Диого Дало, Лук Шо и Фред, истекуваат за шест месеци.
Менаџерот, Ерик Тен Хаг, потврди дека овие играчи ќе останат на „Олд Трафорд“, уште една сезона, бидејќи клубот ќе ги активира клаузулите во нивните договор.
„Со нив разговараме за продолжување на соработката, во позиција во која можеме да ги контролираме работите, бидејќи сите тие играчи имаат опции да ги продолжат договорите на една година“, изјави Холанѓанецот.
Најголем интерес постои за Маркус Рашфорд, доколку тој стане слободен играч. ПСЖ не го крие интересот за него, наводно веќе подготвиле за него неделна плата од 1.000.000 евра.