Фудбалскиот портал „Гол“ го прогласи асот на Ајакс, Јустин Клајверт како најдобар играч роден по 1 јануари 1999 година, пред голманот на Милан, Џанлуиџи Донарума.
Клајверт е добитник на „2018 Некстџен“ наградата пред Донарума, и Бразилецот Винисиус Жуниор, кој стана најскапиот 16-годишник во историјата откако Реал Мадрид му плати 45 милиони евра на Фламенго за напаѓачот.
„Гол“ проценува дека 18-годишниот Клајверт, синот на легендата на Ајакс и Барселона, Патрик Клајверт, и покрај тоа што има 50-тина натпревари во кариерата може да стане најдобриот фудбалер на светот.
Kluivert beats Donnarumma to win 2018 #NxGnhttps://t.co/6smxFTnt7b
— Goal (@goal) March 28, 2018
Големите европски клубови се согласуваат, со големиот број на шпекулации за трансфер во Реал Мадрид, Барселона, Арсенал, Тотенхем и Манчестер јунајтед.
Најмногу од сè импресионира како младиот Холанѓанец се справува со големите очекувања кои доаѓаат како син на Клајверт.
„Зошто сум посебен? Секогаш сум работел напорно и сум направил многу жртви за да ја остварам мојата цел и да имам успешна кариера. Тоа е клучно за млади фудбалери“, вели Клајверт.
1995: Patrick Kluivert beats AC Milan goalkeeper Sebastiano Rossi to win the Champions League
2018: Justin Kluivert beats AC Milan goalkeeper Gianluigi Donnarumma to be crowned #NxGn 2018 winner pic.twitter.com/TWNkx1YtML
— Goal (@goal) March 28, 2018
Тој признава дека „Ноу Камп“ е крајната цел, за да се продолжи семејната репутација, но дека е трпелив.
„Мојот клуб од соништата? Барселона. Да бидам како мојот татко. Не ми е проблем да бидам и во друг клуб, но Барселона останува сонот“, вели Клајверт.