Јуве и Торино со реми во „дерби дела моле“

Јувентус и Торино одиграа борбено 1:1 реми во петочното градско „дерби дела моле“, резултат со кој сигурно ќе бидат позадоволни фановите на „биковите“.

„Бјанконерите“ први стигнаа во водство во 13. минута, кога Хуан Квадрадо фантастично го пронајде Матијс де Лихт, кој со глава го матираше Вања Милинковиќ-Савиќ. И покрај тоа што доминираа во играта, Душан Влаховиќ и Алваро Мората беа успешно сопрени од одбраната на Торино.

Во 62. минута, Хрватот Јосип Брекало фантастично да му асистира на Андреа Белоти, кој ја искористи лошата интервенција на Војчех Шчесни за да израмни. Алегри ги внесе во игра Артур и Моисе Кин, но и покрај иницијативата, резултатот остана ист.