Top Sport

Јуве сака да го врати Орсолини за 25, Болоња не го дава под 70 милиони евра

Шампионот на Италија, Јувентус планира следното лето да го врати во Торино талентираниот крилен напаѓач, Рикардо Орсолини (23) кој моментно ги брани боите на Болоња.

Кај „Старата дама“ пресметале дека според договорот, враќањето во Торино на Орсолино би ги чинело 25 милиони евра. Сепак, нема да оди по нивното. Орсолино е откритие на Јуве, пред 3 години го доведоа од Асколи, па го испратија на позајмица во Аталанта.

Во 2018 тој од Бергамо се упати на позајмица во Болоња. Во Болоња им се допаднаа настапите на младиот фудбалер, па минатото лето го откупија неговиот договор за 15 милиони евра. Сепак, според пишувањето на италијанските медиуми, Јувентус ги заштити своите интереси со клаузула за прв да има право на откуп на фудбалерот за сума не поголема од 25 милиони евра.

Foto LaPresse – Daniele Badolato
19/01/2017 Torino ( Italia)
Sport Calcio
ESCLUSIVA JUVENTUS
Firma del contratto di Riccardo Orsolini con la Juventus
Nella foto: Riccardo Orsolini , Giuseppe Marotta
Photo LaPresse – Daniele Badolato
19 January 2017 Turin ( Italy)
Sport Soccer
Riccardo Orsolini signing with Juventus
In the pic: Riccardo Orsolini , Giuseppe Marotta

Управата на Јуве се обиде минатото лето да ја активира споменатата клаузула, но директорот на Болоња, Валтер Сабатини има друга приказна.

„Таа клаузула никогаш не е запишана. Орсолини вреди 70 милиони евра. Во процесот на преговори разговаравме со Јувентус за опцијата на откуп, но тоа никаде не е запишано, остана само на усмен договор. Моментно е незамисливо да го продадеме за сумата која се споменува во медиумите. За негово заминување не размислуваме, тој не е на продажба“ – вели Сабатини.

Орсолини сезонава има 8 гола и 5 асистенции на 25 меча. Дебитираше и за Италија, и уште на првиот меч за „Азурите“ се запиша во листата на стрелците.

Брз е, има добар дриблинг, а меѓу тренерите е омилен затоа што шутира со лева нога, а игра на десната страна.

Scroll to Top