Поранешниот освојувач на „Златната топка“, Бразилецот Кака ги вклучи Дејвид Бекам, Кристијано Роналдо, Роналдињо, Карим Бензема и Роналдо Назарио во неговата комбинација на совршен соиграч.
Кака, кој фудбалската слава ја направи во Милан и Реал Мадрид, како и во бразилската репрезентација со која ја освои светската титула во 2002, во својата кариера имаше шанса да игра со многу од најголемите ѕвезди на светот, и се најде во дилема кога беше запрашан да создаде „совршен“ соиграч.
„Кристијано Роналдо ќе биде избран поради неговата сериозност и поставеност. Беше неверојатно како тој може да пронајде решение за секој проблем, толку беше смирен. О Феномено е за својот инстинкт за голови, но и брзината. Роналдињо е тука за дриблањето, додека Бекам беше неверојатен во неговите асистенции“, објаснува Кака.
Други соиграчи кои Кака би ги вклучил се Карим Бензема за својата способност да даде гол од тешка ситуација, професионализмот на неговиот сонародник Кафу, како и работната етика на двоецот од Милан, Андреа Пирло и Џенаро Гатузо. Тука се и техниката на Кларенс Сидорф, како и лидерските способности на Паоло Малдини.