По катастрофалниот пораз на Аргентина против Хрватска, шансите за пласман на „албиселесте“ во осминафиналето на Мундијалот веќе не зависат само од нив, туку најмногу од утрешниот меч меѓу Исланд и Нигерија.
Во основа три работи мораат да се случат:
– Исланд да изгуби или да одигра нерешено со Нигерија.
– Потоа, Хрватска да го победи или да одигра нерешено со Исланд.
– И, нормално, Аргентина да ја совлада Нигерија.
Ако Исланд победи утре, тогаш Аргентина уште не ги загубила шансите, но за тоа ќе треба да ја победат Нигерија и Исланд да загуби од Хрватска, а мораат да имаат и подобра гол-разлика, што по 0:3 против Хрватска е тежок предизвик.
Ако имаат идентична гол-разлика, тогаш прво се гледаат жолтите картони, а Аргентина собра доста досега.
Ако ништо од ова погоре не се случи, Аргентина си оди дома.