Даниел Калиџури постигна два гола за да ги предводи Шалке до 2:1 победа над Волфсбург со која минатогодишните вице-шампиони излегоа од зоната за испаѓање.
Откако имаа само една победа во претходните пет меча во Бундеслигата, Шалке, кои се среќаваат со Манчестер сити во осминафиналето на ЛШ, беа очајни да ја стартуваат годината како што треба. Калиџури прво постигна гол од пенал во 8. минута за свој 11 успешен пенал во 12 обиди во Бундеслигата и тоа против својот поранешен клуб.
„Волците“ се вратија во игра откако Елвис Реџбечај постигна гол во 20. минута за израмнување, пред Калиџури да постигне убав гол во 78. минута за победа.
Со овој резултат, Шалке скокна на 12. место со 21 поен, додека Волфсбург падна на шестото место со 28 поени по првиот пораз во Бундеслигата од ноември.