Никола Калиниќ беше претставен како нов фудбалер на Атлетико Мадрид по трансферот од Милан, и шпанските новинари нормално беа заинтересирани за неговото лето, односно за исфрлањето од хрватската репрезентација на СП во Русија, каде подоцна тие стигнаа до среброто.
„Не зборував за тоа со Диего Симеоне. Тоа што се случи во репрезентацијата, се случи. Нема врска со тренерот, туку со селекторот на Хрватска, кој не сметаше за мене на СП. Не сакав да го земам среброто бидејќи не играв во Русија и не помогнав на Хрватска за големиот успех. Сега ме чекаат нови предизвици со Атлетико, другото е минато“, вели Калиниќ.
Калиниќ заминува од Милан по само една сезона, откако беше најавен како големо засилување од Фиорентина (за 20 милиони евра) и сега „росонерите“ ќе добијат 15 милиони евра за него.
„Ќе го дадам максимумот да ги исполнам целите. Одиграв половина час на пријателскиот меч со Интер, но тоа е само почеток. Едвај чекам да стартуваме“, додаде Калиниќ.
Preguntan a Kalinic por su expulsión con Croacia en el Mundial tras negarse a jugar https://t.co/A61Coxi4zG pic.twitter.com/xm3IbwBEwf
— MARCA (@marca) August 13, 2018