Капитенот на Евертон, Фил Џагиелка ќе стави крај на 12-годишниот престој на „Гудисон парк“ по крајот на договорот, потврди дефанзивецот на социјалните мрежи.
36-годишниот ветеран, кој дојде во Евертон од Шефилд јунајтед во 2007 година, имаше 385 настапи и 19 гола во сите натпреварувања за клубот од Ливерпул.
„Тешко беше да се потврди мојата ситуација во клубот, но за жал патот завршува тука по 12 фантастични сезони во кои имав среќа да настапам повеќе од 380 пати и да бидам капитен шест години. Можам само да се заблагодарам на сите фудбалери со кои играв, на претседателот на клубот и секако, на фантастичните навивачи“, напиша Џагиелка.
Тој оваа сезона имаше само 7 настапи во Премиер лигата под водство на Марко Силва, во сезона во која Евертон заврши на осмото место на табелата со 54 поени.
Its been hard to confirm my situation for next season as that decision hadn’t been fully made by the club until now, unfortunately my journey at Everton has come to an end after 12 fantastic seasons, I have been lucky enough to play over 380 games and lucky enough to be club pic.twitter.com/APFP1eGIbx
— Phil Jagielka (@PJags06) June 4, 2019