Капитенот на Киево Верона, Серџо Пелисие денеска го прослави својот 40. роденден и вели дека не знае кога ќе престане со фудбалот, иако неговиот клуб следната сезона ќе се натпреварува во втората лига.
Пелисие дојде во Киево од Торино во 2000-тата, по што имаше 139 гола во 510 настапи за „летечките магариња“, играјќи со нив во славната генерација која играше во Лигата на шампионите во 2006/07. Напаѓачот исто така има уникатен рекорд – постигна гол во единствениот настап за италијанската репрезентација.
Киево се убедливо последни во Серија А и следната сезона ги очекува неатрактивната ситуација да се борат за враќање во елитата.
„40 години се навистина многу. Ја поминувате 4-0 и сфаќате дека набргу ќе морате да ја смените својата работа и животниот стил. Не знам кога ќе престанам да играм, а тоа делумно зависи и од претседателот. Сега не размислувам за иднината бидејќи уште се чувствувам како дете и сакам да ја завршам сезоната со работа. Се надевам дека нашите навивачи ќе ги поминат последните денови од сезоната без страдањето кое сите го чувствувавме оваа година“, вели Пелисие.
Per i suoi 4⃣0⃣ anni, Sergio #Pellissier ha parlato a cuore aperto ai microfoni di @SkySport, con la giornalista @marinapresello, di passato, presente e futuro della sua storia in gialloblù! Guarda qui l’intervista ??? https://t.co/fWrqoENInu
— A.C. ChievoVerona (@ACChievoVerona) April 12, 2019