Top Sport

Кариус ги тужи Бешикташ за платите кои му ги должат

Голманот на Ливерпул, Лорис Кариус, кој игра како позјамен фудбалер на Бешикташ го тужи турскиот клуб поради неисплатените плати, објавува порталот „Гол“.

25-годишниот Германец, кој дојде на Босфорот во август 2018 по „киксовите“ кои ги направи во финалето на ЛШ против Реал Мадрид и по купувањето на Алисон од страна на Јирген Клоп, наводно не добил плата последните четири месеци, во целосна вредност од повеќе од милион евра и решил да ја бара правдата пред ФИФА.

ФИФА може да ги казни Бешикташ со одземање на поени во турската Суперлига, но и со исфрлање од Лига Европа. Бешикташ се на третото место во Турција со 13 поени зад лидерот Башакшехир и надвор од трката за титулата.

Кариус има 26 настапи за Бешикташ оваа сезона, и во пет од нив успеа да не прими гол.

Scroll to Top