Вечерва од 20.45 часот Хрватска гостува кај Русија во меч од 4. коло од квалификациите за СП 2022, а рускиот селектор Валериј Карпин е под притисок на домашната јавност затоа што се уште не го решил прашањето на голманската позиција.
На списокот од 30 фудбалери има дури 5 голмани. Тој за руските медиуми изјави дека првиот голман же го избере тренерот на голманите.
„Секогаш тренерот е виновен, така и јас. Мое мислење е дека одлуката треба да ја донесе тренерот на голманите. Тој работи со нив, најдобро ги познава нивната психа и нивната положба“ вели Карпин.
Селекторот вели дека за мечот со „коцкастите“ би повикал 50-60 играчи.
„Да можев, ќе викнев 10 голмани, што се чудите. Договорот падна на 5“ вели тој.
Во изборот се Гилерме, Андреј Луњов, Јуриј Дјупин, Александр Максименко и Сергеј Песјаков.