Победата на Баерн над Мајнц од 6-1 изминатиот викенд се чини малку ги опушти играчите на германскиот шампион, па младиот канадски фудбалер, Алфонсо Дејвис слободниот ден го искористил да отпатува во Париз, кај неговата девојка.
Сакал да се врати на време, но метежот на аеродромот во Минхен го спречил, па тој стигнал во тренинг центарот 4 часа по закажаниот термин.
Тренерот на Баварците, Нико Ковач поради ова го казнил Канаѓанецот со 20.000 евра, па така Дејвис стана вториот играч во ерата на Ковач на кормилото на Баерн кој бил „удрен по џеб“.
Првиот беше Португалецот Ренато Санчез кој јавно се пожалил дека добива мала минутажа. Санчез сега е играч на Лил во Франција.
A Davies has been fined €20k by Niko Kovač. Davies flew to Paris to meet his girlfriend Jordyn Huitema on Monday (day off) but when he returned on Tuesday, there was chaos at Munich airport & terminal was blocked so he arrived to the training ground at 3pm instead of 11am [Bild] pic.twitter.com/Fr1rJ2J73w
— Bayern & Germany (@iMiaSanMia) September 2, 2019