Асот на Тотенхем, Хери Кејн со 23 гола повторно е најдобриот стрелец во Премиер лигата во сезоната 2020/21, освојувајќи ја третпат оваа награда, а во исто време е прогласен и за најдобриот плејмејкер во лигата со фантастични 14 асистенции (исто така најмногу во ПЛ).
Ова е првпат од Енди Кол во 1994 година, ист фудбалер да ги добие наградите за „златната копачка“ и за најдобар плејмејкер во лигата, што само покажува зошто најмоќните европски клубови ќе се обидат да го добијат неговиот потпис по јавната најава дека сака да замине од Тотенхем.
Сцените по 4:2 победата на гости кај Лестер изгледаа како Кејн да се збогува со привремениот тренер Рајан Мејсон и со своите соиграчи, а по мечот тој даде интересна изјава.
„Што ќе правам следната сезона? Тоа ќе мора да почека по Европското првенство. Знам што ќе правам, но ќе предизвикам хаос ако кажам нешто“, изјави Кејн.
Goodbye, king ?? pic.twitter.com/g6FxknB6mZ
— Jacob (@JacobTHFC_) May 23, 2021
Графика: Sofascore за Топспорт.мк
⚪️ Congratulations, @HKane! ⚪️
?? Your 2020/21 @CocaCola_GB Golden Boot winner ?? pic.twitter.com/rEdbdlXZEX
— Premier League (@premierleague) May 23, 2021