Лионел Меси заедно со соиграчите од аргентинската репрезентација пристигна во Пекинг каде на 15 јуни ќе одиграат пријателски натпревар против Австралија.
Еден од најдобрите фудбалери во историјата, во средата потврди дека кариерата ќе ја продолжи во Интер Мајами.
Неговото доаѓање во Кина беше објавено преку објава на социјалната мрежа Веибо, а стотици кинески фанови со нетрпение го очекуваа доаѓањето на легендарниот ас и актуелните светски шампиони.
Ова е седмо гостување во Кина и прво по 2017 година за капитенот на Аргентина, со која во декември во Катар ја освои титулата светски првак.
Последен пат Австралија и Аргентина играа во Катар на Мундијалот, во осминафиналето, а Меси беше стрелец во победата на својот тим од 2:1.
Lionel #Messi arrived in Beijing on Saturday morning, which is the football star’s seventh trip to China. Messi will lead world champions Argentina against Australia in a friendly in Beijing on June 15. pic.twitter.com/PeSqYjUc5R
— Global Times (@globaltimesnews) June 10, 2023