Џорџо Кјелини, со статус на легенда, по 17 години си замина од Јувентус. помина 17 години во Јувентус. Последниот натпревар во црно-белиот дрес го одигра против Фиорентина.
Трансфер експертот Фабрицио Романо на „Твитер“ објави каде ќе ја продолжи кариерата Кјелини. Тоа е Лос Анџелес ФК, клуб од САД или МЛС.
„Се договорија, последната средба ќе се одржи во наредните денови во Лондон. Договорот е речиси готов. Кјелини наскоро ќе отпатува за Лос Анџелес“, напиша Романо.
Кјелини со Јувентус освои девет титули во Серија А и една титула во Серија Б, како и пет купови. Со Италија лани стана европски првак, не успеа да ја освои само титулата во Лигата на шампионите.