Тренерската легенда, Мирислав Ќиро Блажевиќ, во свој стил го коментирал поразот на Србија од Шкотска, во баражот за пласман на ЕУРО 2021. Шкотска, во Белград, победи по изведувањето на пенали.
„Што ви се случи убави мои? Ме разочаравте…Потфрливте…Очекував да видам подобра Србија. Ве немаше на теренот, ова како да не беше истиот тим кој ја растури Норвешка. Не знам што ви се случи. Игравте под своите можности. Шкотска покажа дека е незгоден тим. Србија има повеќе талент, но не го покажа тоа на теренот. Србија има многу играчи кои играат во најдобрите светски клубови, но изгледа не влегоа сериозно во натпреварот, мислеа дека ова е некаква зафрканција“, рекол Блажевиќ.
Шкотска на ЕУРО 2021 ќе се натпреварува во групата со Англија, Хрватска и Чешка.