Продлжува дебатат во фудбалскиот свет дали Лионел Меси заслужи да ја добие Златната топка. Тренерите на Ливерпул и Реал, Јирген Клоп и Карло Анчелоти, имаат свое мислење. Клоп реално ги согледал работите, додека изјавата на Анчелоти е субјективна.
„Изненаден сум поради позицијата на која се наоѓа Салах. Ако не му ја дадовте Златната топка на Левандовски не требаше на никого да му ај дадете. Мо требаше да биде подобро пласиран, дефинитивно“, рекол Клоп.
Салах заврши на седмото место. Пред него покрај Меси, Левандовски и Жоржињо беа и Бензема, Канте и Роналдо.
За разлика од Клоп, Анчелоти наградата би му ја дал на Бензема или на некој друг фудбалер на Реал Мадрид.
„Да можев да гласам на на првото место ќе беше Бензема, на второто Винисиус, на третото Куртоа, па Каземиро, Крос, Камавинга…Одлуката мораме да ја почитуваме, Меси е еден од најдобрите. Но да можев да гласам ќе го изберев Бензема“, заклучил Анчелоти.