Ливерпул ќе биде активен во зимскиот преоден рок. Јирген Клоп бара засилувања од клупските челници и во исто време составил трансфер-листа. „Црвените“ се неубедливи во Премиер лигата, освоија на 12 натпревари освоија 16 поени, што во овој момент е доволно за осмото место на табелата.
„Мирор“, пишува дека има одредени играчи кои Клоп повеќе не ги смета сериозно и на челниците на клубот им рекол дека нема ништо против да ги продаде веќе во јануари следната година.
Наводно на список веќе има тројца фудбалери, но тој список не е конечен бидејќи не е исклучено до почетокот на јануарскиот преоден рок на него да се најде и некој друг.
Според овој извор на листата се Наби Кеита, Алекс Окслејд-Чембрлен и Натаниел Филипс. Клоп на овие играчи им соопштил дека нивниот статус во тимот нема сериозно да се промени и дека нема ништо против нивното заминување.
Кеита и Окслејд-Чембрлен се на списокот на играчи чии договори истекуваат летово и Ливерпул сака да ја избегне опцијата тие да заминат бесплатно.