Челниците на Вулверхемптон немаат намера да се откажат од услугите на Рубен Невеш. Младиот Португалец е еден од клучните играчи во екипата што ја предводи Нуно Еспирито Санто. Тој минатата сезона за сума од 14 милиони фунти од Порто пристигна во Вувлерхемптон и беше еден од најзаслужните што екипата избори пласман во Премиер лигата.
Невеш со она што го покажува од почетокот на новата сезона го привлече вниманието на големите клубови, а според некои шпекулации Манчестер сити имаат намера да го донесат веќе во јануарскиот преоден рок.
Англиските медиуми објавија дека Вулверхемптон има намера добро да го наплати неговиот трансфер, односно дека тој може да замине само во случај некој да ја плати неговата откупна клаузула, а таа изнесува 110 милиони фунти.
Манчестер сити бара замена за Фернандињо, а ова лето не успеаја да донесат ниту еден од посакуваните играчи за таа позиција. Бразилецот Фред замина во Манчестер јунајтед, а Жоргињо се пресели во Челси.