Манчестер јунајтед се помирени со ситуацијата да ги загубат Џеси Лингард и Пол Погба како слободни играчи на крајот на сезоната, откако Лингард реши да ги прекине преговорите за нов договор со клубот од „Олд Трафорд“, додека Јунајтед воопшто не му понудиле нов договор на Погба.
Според „ЕСПН“, Лингард е незадоволен од малата минутажа која ја добива во тимот, и веќе одбил една понуда од клубот, и нема планови да продолжи со преговорите откако стартуваше на само еден натпревар од септември. 28-годишниот Лингард сака да добие стандардно место во друг клуб во обид да се врати во англиската репрезентација пред Светското првенство во Катар.
Солскјер вети дека Лингард ќе има „клучна“ улога оваа сезона, но има само 63 минути во пет настапи како замена во Премиерлигата, во кои сепак, постигна два гола. Тој би можел да побара позајмица во јануари, пред крајот на договорот, а за него се заинтересирани Барселона, Милан,и секако Вест хем и Њукасл во Премиерлигата.
Според шпанска „Марка“ пак, иако јавно Јунајтед постојано тврдат дека сакаат Пол Погба да остане, тие воопшто не му понудиле нов договор на Французинот, кој се премислува околу тоа каде да ја продолжи кариерата.
Покрај ова, во јануари сака да си замине и Дони ван де Бек, кој веќе губи надеж дека ќе добие шанса од Солскјер, Единсон Кавани исто така си заминува по крајот на сезоната, додека се шпекулира дека во аут сакаат и Антони Марсијал, Диого Далот, Алекс Телес, Дин Хендерсон и Ерик Баји…
Кој ќе остане во Јунајтед?