Тибо Куртоа очигледно сака да гради имиџ на „љубовник“ и на миленик на женскиот пол, откако по неговиот трансфер во Реал Мадрид, повеќе внимание предизвикаа неговите врски отколку неговата форма на голот на „кралевите“.
Куртоа, кој изјави дека заминува од Челси да биде поблиску до неговото семејство, односно поранешната сопруга и децата кои живеат во Шпанија, беше миленик на шпанските таблоиди по краткотрајната, но бурна врска со шпанската водителка Алба Карилјо, која откако тој изјави дека не бил во врска со него му порача да си „го држи шлицот затворен“. Куртоа се раздели со Марта Домингез во април 2018 година, додека уште беше фудбалер на Челси.
Сега, шпанските медиуми го начекаа со италијанскиот модел Сара Солдати на Ибица на одмор, и секако, тој беше во центарот на вниманието. Се работи за Инстаграм-ѕвезда од Италија, која собра над 100.000 следбеници на социјалната мрежа, меѓу кои секако е и самиот Куртоа.