Фудбалерките на Колумбија се пласираа во четвртфиналето на Светското првенство откако на стартот од нокаут фазата на турнирот ја совладаа Јамајка со 1:0.
Решавачкиот гол беше постигнат во 51. минута кога Ана Гузман и асистираше на Каталина Усме, која ја совлада голманката на Јамајка.
Колумбија е единствената репрезентација од Јужна Америка која се пласираше во нокаут фазата и сега го продолжува патот до финалето на Светското првенство.
Пласманот во четвртфиналето е историски успех за Колумбија. Фудбалерките од оваа земја, претходно, никогаш не успеале да се пласираат во осминафиналето.
Следен противник на Колумбија ќе биде Англија, а натпреварот е закажан за в сабота од 12:30 часот.