Антонио Конте тренерот на Интер од клупските челници побарал во преодниот рок да му го донесат фудбалерот на Челси Нголо Канте. Конте и Канте две години соработуваа во Челси. Покрај Канте, Конте во Интер сака уште еден играч на „сините“, левиот бек Емерсон Палмиери.
Конте смета дека Канте е фудбалерот што му недостига во редот за врска. Овие двајца имаат титула во Премиерлигата, во првата сезона на италијанскиот тренер на клупата на „сините“.
Прашање е само дали челниците на Интер се подготвени да потрошат сериозна сума на пари за да го ангажираат францускиот репрезентативец.
Шпекулациите говорат дека Челси за Канте бараат 70 милиони евра.